🚨 نداء للمساعدة في العثور على قطتي "كوكو" 🚨 من يوم 2/7 وكوكو مفقودة، والنهارده عدى شهر كامل على اختفائها، ولسه بدور عليها كل يوم ومفقدتش الأمل. كوكو بقالها معايا 5 سنين، وهي مش مجرد قطة بالنسبة لي، دي فرد من عيلتي، وغيابها كاسر قلبي. كانت حامل وقت ما ضاعت، فغالبًا تكون ولدت دلوقتي. لو حد شاف قطة شبهها أو معاها قطط صغيرة، من فضلك ما تفتكرش إنها قطة شارع، لأنها مفقودة وليها أصحاب بيدوروا عليها من أول يوم. اللي حصل يوم اختفائها إنها استخبت في موتور عربية، والعربية اتحركت وهي جواها. للأسف صاحب العربية ما كانش متعاون، ومعرفناش العربية راحت فين، فممكن تكون نزلت في أي مكان أثناء الطريق أو أول ما العربية وقفت. لذلك ممكن تكون في أي مكان داخل العبور أو حتى خارج العبور. 🙏 لو حد شافها أو عنده أي معلومة، مهما كانت بسيطة، ياريت يكلمني فورًا. وأنا مستعدة أقدم مكافأة مالية مجزية لأي حد يكون سبب في رجوع كوكو لبيتها. من فضلكم اعملوا شير للبوست، يمكن يوصل لحد شافها أو يعرف مكانها. بعد شهر كامل، لسه عندي أمل إنها ترجع. اسمها: كوكو ❤️🐈 تاريخ الفقد: 2/7 مكان الفقد: مدينة العبور ربنا يجزيكم كل خير، وشكرًا من قلبي لكل حد يساعد أو يشارك البوست. 🤍